सरलाको शब्दमा पलको देशप्रेम [भिडियो]

गीतकार सरला श्रेष्ठको शब्द समावेश राष्ट्रभाव बोकेको गीत ‘विदेश’ सार्वजनिक भएको छ।

नेपाल समय | सोमबार, पुस ५, २०७८

नेपाल समय

सोमबार, पुस ५, २०७८

काठमाडौं– गीतकार सरला श्रेष्ठको शब्द समावेश राष्ट्रभाव बोकेको गीत ‘विदेश’ सार्वजनिक भएको छ। जीविकोपार्जनको लागि कर्म गर्न विदेशिन बाध्य एक युवकले मातृभूमि सम्झेर व्यक्त गरेका भावहरु श्रेष्ठले शब्द मार्फत गीतमा उतारेकी छन्।

कृति न्यौपानेले संगीत भरेको गीतमा प्रमोद खरेलले स्वर दिएका छन्। यो गीतमा पुरुषोत्तम सुवेदीको एरेञ्जमेन्ट छ। सुव्रतराज आचार्यको निर्देशनमा तयार गीतको भिडियोमा अभिनेता पल शाह फिचर्ड छन्।

पलसँगै भिडियोमा सुवर्णजंग श्रेष्ठ र तुलसीदेवी श्रेष्ठको विशेष उपस्थिति देख्न सकिन्छ। विकास दाहालले सम्पादन गरेको भिडियोमा छायांकन उत्सव दाहालको छ। आइतबार सार्वजनिक गीतले इनिसियल फेजमा दर्शकबाट सकारात्मक प्रतिक्रिया पाइसकेको छ।