प्याब्सन मोरङको अध्यक्षमा सुब्बा निर्वाचित

विराटनगर‒ निजी तथा आवासीय विद्यालय अर्गनाइजेशन नेपाल (प्याब्सन) मोरङको अध्यक्षमा सीतला सुब्बा निर्वाचित भएकी छिन्। प्याब्सन मोरङको इतिहासमा अध्यक्ष हुने उनी पहिलो महिला हुन्। 

१५ औं जिल्ला अधिवेशनले सुब्बालाई निर्विरोध निर्वाचित गरेको हो। विराटनगरस्थित सुम्निमा बोर्डिङ स्कूलकी प्रिन्सिपलसमेत रहेकी सुब्बाले निजी विद्यालयहरूको संस्थागत विकास र हकहितमा सधै क्रियाशिल भएर लागि पर्ने बताएकी छिन्।  

अधिवेशनबाट वरिष्ठ उपाध्यक्षमा प्रेमलाल सिंह सुवाल निर्वाचित भएका छन्। अन्य ४ पदाधिकारीमा भने निर्वाचन भएको थियो। दुई जना उपाध्यक्षको पदमा तीन जनाले उम्मेदवारी दिएका थिए। उपाध्यक्षमा भक्तराज सुब्बा र सुरेन्द्र सुवेदी विजयी भए।

सचिवमा जगतबहादुर बस्नेत र कोषाध्यक्षमा विष्णु डंगोल निर्वाचित भए। सह‒सचिवमा मनोज रेग्मी र विकर्ण कार्की निर्विरोध भए भने सह‒कोषाध्यक्षमा भुपाल बस्नेत निर्वाचत भएका छन्।