एमाले महासचिव र सीपीसी अन्तर्राष्ट्रिय विभागका उपमन्त्रीबीच भिडियो वार्ता

काठमाडौं- नेकपा एमालेका महासचिव शंकर पोखरेलसँग चिनियाँ कम्युनिस्ट पार्टीको अन्तर्राष्ट्रिय विभागका उपमन्त्री चेन चाओबीच भिडियो वार्ता भएको छ। सोमबार उनीहरुबीच भिडियो वार्ता भएको पोखरेलको सचिवालयले जानकारी दिएको छ। 

वार्ताका क्रममा चेनचाओले दुई पार्टीबीच सम्बन्ध बलियो बनाउँदै लैजानुपर्ने बताएका थिए। मंगलबार मंसिर २८ गते संसदमा एमसीसी र अन्य प्रस्तावमा पुर्नविचार गर्ने तयारी भइरहेका बेला सीपीसी र एमाले महासचिवबीच भेटवार्ता भएको हो। 

सीपीसीलो नेपाली राजनीतिका पार्टीहरुसँग सम्पर्क विकास गरिरहेको छ। गत नोभेम्बरमा सीपीसीले नेकपा (एकिकृत समाजवादी)का अध्यक्ष माधवकुमार नेपालसँग पनि भिडियो वार्ता गरेको थियो। 

नोभेम्बर २२ मा दक्षिण एसियाली वाम पार्टीसँग सीपीसीले अन्तर्क्रिया गरेको थियो। उक्त कार्यक्रममा नेकपा माओवादी केन्द्रका अध्यक्ष पुष्पकमल कमल दाहाल प्रचण्डले विचार व्यक्त गरेका थिए।