पश्चिमाञ्चल यातायात व्यवसायी समिति अध्यक्षमा पाण्डे निर्वाचित

बुटवल- ट्रक व्यवसायीहरूको संस्था पश्चिमाञ्चल यातायात व्यवसायी समितिको अध्यक्षमा यमप्रसाद पाण्डे निर्वाचित भएका छन्। ११औं अधिवेशनबाट दोस्रो कार्यकालका लागि पाण्डे निर्वाचित भएका हुन्। 

आइतबार बिहान सकिएको मतगणना अनुसार ४५८ मत प्राप्त गर्दै पाण्डे विजयी भएका हुन्। अध्यक्षका प्रत्याशी टिकाराम गौतमले ३९७ मत प्राप्त प्राप्त गरेका छन्।

यसैगरी वरिष्ठ उपाध्यक्षमा प्रतापबहादुर कार्की विजयी भएका छन्। उनले ४७८ मत प्राप्त गरेका छन्। उनका प्रतिद्वन्द्वि कमल घिमिरेले ३७८ मत प्राप्त गरेका छन्। 

महासचिवमा हरिप्रसाद कंडेल विजयी भएका छन्। नयाँ नेतृत्वका लागि शनिबार मतदान भएको थियो। त्यसैगरी  उपाध्यक्ष खुल्लातर्फ खगराज गौतम,  रुपन्देही उपाध्यक्षमा गणेश घिमिरे,  लक्ष्मण गैरे, विजयी भएका निर्वाचन समितिले जनाएको छ।

समितिको कोषाध्यक्षमा हरिप्रसाद रिमाल विजयी भएका छन्। यसैगरी नवलपरासी उपाध्यक्षमा गुप्तबहादुर केसी (राजु), उपाध्यक्ष काठमाडौं सेक्टरमा रमेशकुमार फौजदार विजयी भएका छन्।