लुम्बिनी कांग्रेस : स‌स्थापन इतरका पुनकाे अग्रता कायमै, शाहले मतान्तर घटाए

बुटवल- नेपाली कांग्रेसको लुम्बिनी प्रदेश सभापतिमा संस्थापन इतरका अमरसिंह पुनको अग्रता कायमै छ। आइतबार रातीसम्मको ७ सय ८२ मत गणना हुँदा पौडेल पक्षका सभापतिका उम्मेदवार पुन ८९ मतका साथ अग्रता कायमै राखेका छन्।

केही समयसम्म ७८ मतले अगाडि रहेका पुनले फेरी अग्रतालाई बढाएका हुन्। यद्यपि दिउँसो सय माथिको मतान्तर भएपनि अहिले एक सयको आसपासमा मतान्तर भएको छ।

संस्थापन पक्षका भरत कुमार शाहले दिउँसो भन्दा मतान्तर घटाएका छन्। पुनले ३६५ मत ल्याएका छन्। पार्टी सभापति शेरबहादुर देउवा पक्षका उम्मेदवार शाहले २५८ मत प्राप्त गरेका छन्। 

१४औं महाधिवेशनअन्तर्गत भएको प्रदेश अधिवेशनमा कूल १ हजार ६३१ मत खसेको थियो।पदाधिकारी सहित अधिकांश पदमा भने पुन नेतृत्वको पौडेल समूहले अग्रता कायम गरेको निर्वाचन समितिले जनाएको छ।

गृहमन्त्री बालकृष्ण खाँड केन्द्रीय प्रतिनिधि रहेको लुम्बिनीको मतगणनाको गति भने सुस्त छ। गएरातीबाट मतगणना भएपनि रातीसम्म आधामात्रै मतगणना भएकाले नतिजा आउँदा बिहान हुने अनुमान गरिएको छ।