यी ४ चिजले गर्छन् रोग प्रतिरोधात्मक क्षमतालाई कमजोर

काठमाडौं- कोरोनाले गर्दा सबैजना आफ्नो रोग प्रतिरोधात्मक क्षमतालाई लिएर धेरै चिन्तित छन्। कमजोर प्रतिरोधात्मक क्षमता भएका व्यक्तिहरुका लागि कोरोना निकै घातक साबित हुन सक्छ। साथै धेरै मानिसहरु आफ्ना खानामा ध्यान दिँदैनन् र बाहिरको खाना खान्छन्। बाहिरको अस्वास्थ्यकर खाना हाम्रो स्वास्थ्यको लागि राम्रो होइन। कयौं पटक हामी यस्ता चीजहरूको सेवन गर्छौं जसले हाम्रो रोग प्रतिरोधात्मक क्षमतालाई कमजोर बनाउँछ। यस्तो अवस्थामा यी खानेकुरालाई आफ्नो आहारबाट हटाउनु उत्तम विकल्प हो। 

फास्टफुड खाना

धेरैलाई भुटेको र फास्टफुड खान मन पर्छ। तर हामी यो बिर्सन्छौं कि यो खानामा क्यालोरी, सोडियम र फ्याटको मात्रा धेरै हुन्छ। जसका कारण यो हाम्रो रोग प्रतिरोधात्मक क्षमतालाई कमजोर पार्ने सबैभन्दा ठुलो कारण बन्छ।

क्यान भित्रको खाना

धेरै मानिसहरू घरमा ताजा तरकारीहरु पकाउँदैनन् र तिनीहरू क्यान भित्रको खानामा धेरै निर्भर हुन्छन्। जबकि प्रिजर्भेटिभ युक्त क्यानको खानाले हाम्रो रोग प्रतिरोधात्मक क्षमतामा नराम्रो असर पार्छ। त्यसैले यस्ता खानेकुराबाट टाढै बस्नु राम्रो हुन्छ।

रक्सी

कतिपयले मदिरा सेवन गर्छन्। रक्सीको सेवनले तपाईको कलेजो र मृगौलालाई हानि पुर्‍याउँछ। यसका साथसाथै कलेजो कमजोर भएकाले रोग प्रतिरोधात्मक क्षमता पनि कमजोर हुन्छ। त्यसैले मदिरा सेवन गर्नु हानिकारक हुन्छ।

धुम्रपान

चुरोट, बिडी, हुक्का, जसलाई मानिसहरुले ठुलो चासोका साथ खाने गर्छन्। यी सबैले हाम्रो रोग प्रतिरोधात्मक क्षमतालाई कमजोर बनाउँछ। धुम्रपानले कारण हाम्रो फोक्सोमा आक्रमण गर्छ जसका कारण हाम्रो फोक्सो कमजोर हुन्छ र यस्तो अवस्थामा रोग प्रतिरोधात्मक क्षमता पनि राम्रोसँग रहन सक्दैन। त्यसैले यी कुराहरूबाट टाढा रहनुपर्दछ।