ट्रकको ठक्करबाट बुबाछोराको मृत्यु

बुटवल- रुपन्देहीमा ट्रकको ठक्करबाट शनिबार दुई जनाको मृत्यु भएको  छ। सिद्धार्थ राजमार्ग अन्तर्गत भैरहवाको बर्मेली चोकमा मोटरसाइकललाई ठक्कर दिँदा बाबु छोराको मृत्यु भएको हो। 

मृत्यु हुनेमा स्याङ्जाको चापाकोट नगरपालिका–४ का ५३ वर्षीय गितानाथ खनाल सहित उनका १३ वर्षीय छोरा सुदिप रहेका छन्।  दुर्घटनामा घाइते दुवैको उपचारका क्रममा यूनिभर्सल मेडिकल कलेजमा मृत्यू भएको प्रहरीले जनाएको छ। 

बुटवलबाट बेलहियातर्फ जाँदै गरेको ना ३ ख ३८६० नम्बरको ट्रकले उनीहरु सवार ग ११ प ५४४४ नम्बरको मोटरसाइकललाई ठक्कर दिँदा दुर्घटना भएको हो।