चिकित्सा शिक्षा कानुनबाट सरकार 'ब्याक', अन्य २ विधेयकमाथि सैद्धान्तिक छलफल

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं- चिकित्सा शिक्षा विधेयकबाट सरकार 'ब्याक' भएपछि संसद्मा अन्य दुई विधेयकमाथि सैद्धान्तिक छलफल शुरु हुँदैछ ।

प्रतिनिधिसभाको बैठकमा बेपत्ता पारिएका व्यक्तिको छानविन र सत्य निरुपण तथा मेलमिलाप आयोग (पहिलो संशोधन) विधेयकमाथि छलफल शुरु हुन लागेको हो ।

आन्दोलनरत डा. गोविन्द केसीसँग सरकारले गरेका सहमति र सम्झौता तथा माथेमा आयोगको प्रतिवेदनको सिफारिसको आधारमा ल्याइएको अध्यादेश परिवर्तन गरेर ल्याउन खोजिएपछि व्यापक विरोध भएको थियो । चौतर्फी विरोध र डा. केसीले पुनः आमरण अनशन शुरु गरेपछि सरकार चिकित्सा शिक्षा विधेयकबाट पछाडि हटेको हो ।

बेपत्ता छानविन र सत्य निरुपण तथा मेलमिलाप आयोगसम्बन्धी कानुन यसअघि सरकारले अध्यादेश ल्याएको थियो । सोही अध्यादेशलाई प्रतिस्थापन गर्न विधेयक संसद्मा टेबल गरिएको हो ।

प्रकाशित: Dec 31, 2017| 18:23 आइतबार, पुस १६, २०७४