पहिरोले पुरिएर रोल्पामा ३ युवतीको मृत्यु

रोल्पा- रोल्पामा पहिरोले पुरिएर ३ युवतीको मृत्यु भएको छ । रुन्टीगडी–५ सैवाङमा माथिबाट खसेको पहिरोले घर एक घर पुर्दा उनीहरुको किचिएर मृत्यु भएको हो । 

मृत्यु हुनेमा एकैपरिवारका आमाछोरी २२ बर्षकी कमला विक र उनकी १८ दिनकी छोरी आयुषा विक रहेका छन् । छिमेकी १५ बर्षीया चित्रा विकको पनि पहिरोमा पुरिएर ज्यान गएको जिल्ला प्रहरी कार्यालय रोल्पाका प्रमुख विरेन्द्र थापाले जानकारी दिए । 

उनका अनुसार मृतक युवतीहरु घरभित्र आगो तापेर बसिरहेका बेला अक्स्मात पहिरो खसेको हो । पहिरो पुरिदा घटनास्थलमै २ जनाको र कमलाको भने स्थानीय स्वास्थ चौकी होलेरीमा उपचारको क्रममा मृत्यु भएको हो ।