राजधानीको मुख्य नाकाबाट फेरि सुन समातियो

काठमाडौं- राजधानी प्रवेश गर्ने मुख्य नाकाबाट फेरि सुन समातिएको छ । महानगरीय प्रहरी प्रभाग नागढुंगाले साेमबार बिहान ६ किलो सुन बरामत गरेकाे हो । 

काठमाडौं भित्रिदै गरेकाे बा ९५ प ८१९१ नम्बरको पल्सर बाइक चेक जाँच गर्दा प्रहरीले सुन बरामत गरेकाे हाे ।

सुनसहित सिन्धुपाल्चोक भोटेकोशी गाउँपालिकाका २३ बर्षीय चेन्जिङ तामाङलाई प्रहरीले पक्राउ गरेको छ ।  तामाङले कम्मरमा सुन बाँधेर राजधानी भित्राउन खाेजेकाे अवस्थामा पक्राउ गरिएकाे महानगरीय प्रहरी प्रभाग नागढुंगाले जनाएकाे छ ।  

विशेष सूचनाका आधारमा सो परिणामको सुन बरामद भएको महानगरीय प्रहरी परिसर काठमाडौंका प्रवक्ता डिएसपी मोहन थापाले जानकारी दिए । सुन कसका लागि कहाँ लैजान खोजिको थियो भन्ने विषयमा अनुसन्धान भइरहेको उनले बताए । 

प्रहरीले  शनिबार नागढुंगा नाकाबाटै ३ केजी सुन बरामत गरेको थियो । उक्त सुनका विषयमा पनि अनुसन्धान भइरहेको जनाइएको छ ।