२४ घण्टामा ७७६ जनामा कोरोना संक्रमित थपिए, १३ जनाको मृत्‍यु

स्वास्थ्य तथा जनसंख्या मन्त्रालयका अनुसार आठ हजार २८४ जनाको पीसीआर परीक्षण गर्दा ६७३ जना र दुई हजार ५८० जनाको एन्टिजेन परीक्षण गर्दा १०३ गरी ७७६ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ।

नेपाल समय | सोमबार, कात्तिक ८, २०७८

नेपाल समय

सोमबार, कात्तिक ८, २०७८

काठमाडौं- पछिल्लो २४ घण्टामा ७७६ कोरोना भाइरस संक्रमित थपिएका छन्।

यस्तै पछिल्लो २४ घण्टामा कोरोना संक्रमणबाट १३ जनाको मृत्यु भएको छ भने ५०१ जना कोरोना संक्रमणमुक्त भएका छन्।

हालसम्म नेपालमा कोरोना संक्रमितको कुल संख्या आठ लाख नौ हजार ७२९ पुगेको छ। योसँगै नेपालमा मृत्‍यु हुनेको संख्या ११ हजार ३६१ पुगेको छ भने सात लाख ८८ हजार ८ जना संक्रमणमुक्त भएका छन्।

मन्त्रालयका अनुसार हाल देशभर सक्रिय संक्रमितको संख्या १० हजार ३६० जना रहेका छन्। जसमध्ये ९ हजार ६१७ जना होम आइसोलेसनमा छन् भने ७४३ जना संस्थागत आइसोलेसनमा रहेका छन्।