मोक्तान थेवाको मातृभाषाको कांकलिङ

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं- कवि मोक्तान थेवाको तामाङ भाषाको कविता संग्रह 'कांकलिङ' १६ गते शनिवार नेपाल तामाङ घेदुङको सभाहलमा चुच्चेपाटीमा सार्वजनिक भएको छ ।

उन्मुक्त पुस्ता अभियानका सशक्त कवि थेवाको मातृभाषाको पहिलो कविता कृति हो । भाषाविद् अमृत योञ्जन, पत्रकार फूलमान, राजु स्याङतान र कवि विना थिङ र कवि थेवाले एकसाथ विमोचन गरेका थिए ।

प्रमुख अतिथिसमेत रहेका योञ्जनले विमोचनको क्रममा मातृभाषामा साहित्य लेख्न आग्रह गरेका थिए ।

तामाङ शब्दहरूको प्रयोग गुर्न पर्ने बताएका थिए फुलमान बलले । पुस्तकका विषयमा बोल्दै कवि राजु स्याङतानले कवितामा केही कमजोरी रहेपनि समग्रमा थेवाको कविताहरू सशक्त रहेको बताए ।

कांकलिङमा कविता संग्रहमा ३८ ओटा कविता रहेको छ । प्रकाशन समेत रहेको तामाङ डाजाङ नामक संस्थाले आयोजना गरेको थियो ।

प्रकाशित: Dec 31, 2017| 18:23 आइतबार, पुस १६, २०७४