पत्रपत्रिकामा आज : ईपीजी प्रतिवेदनदेखि डा. केसीको अनसनसम्म

काठमाडौं–आइतबार राजधानीबाट प्रकाशित दैनिक पत्रपत्रिकाले बेग्लाबेग्लै समाचारलाई प्राथमिकताका साथ छापेका छन् । त्यसमा पनि जुम्लामा पुगेर अनशन थालेका डा गोबिन्द केसीको खबर तथा नेपाल भारत प्रबुद्ध समूहले तयार पारेको प्रतिवेदनको समाचारलाई प्राथमिकता दिएर छापेका छन् ।
 
कान्तिपुर दैनिकले पहिलो पृष्ठमा ईपीजी प्रतिवेदन तयार, मेडिकल कलेजलाई सहजै सम्बन्धन र हिरासतमै डा. केसीको अनशन शीर्षकका समाचार छापेको छ । 

नागरिक दैनिकले तनाव व्यवस्थापनमा अब्बल बन्दै महिला, सम्झौता लत्याएर ऐन ल्याउँदै सरकारको खबरलाई पहिलो पृष्ठमा छापेको छ । 

नयाँ पत्रिका दैनिकले ‘डा. केसी जुम्लामा : शान्तिपूर्ण अवज्ञामा’, नेपाल भारत ईपीजीको प्रतिवेदन तयार शीर्षकको समाचारलाई मुख्य पृष्ठमा छापेको छ । 

अन्नपूर्ण पोस्टले डा केसीको अनशन प्रहरी निगरानीमा, ईपीजी प्रतिवेदन तयार, प्रदेशमा बेग्लै प्रहरी शीर्षकको समाचार मुख्य पृष्ठमा छापेको छ । 

कारोबार दैनिकले जलविद्युतमार्फत समृद्धिको योजनामा वन अवरोध, गैससको सम्पत्ति छानबिन नगर्न प्रधानमन्त्रीकै दबाब, मुलुकभर २० प्रतिशत रोपाईं, कार चढ्ने, कर नतिर्ने ? शीर्षकका समाचारलाई मुख्य पृष्ठमा छापेका छन् । 

त्यस्तै सबैले खेलकुदमा जारी विश्वकपका खबरलाई स्थान दिएका छन् । अर्जेन्टिना विरुद्ध फ्रान्सको जीत तथा पोर्चुगललाई उरुग्वेले प्री क्वाटरफाइनलमा हराएको समाचारले स्थान पाएको छ ।