ग्राण्डीको छतमै पल्टियो हेलिकोप्टर 

काठमाडौं-धापासीस्थित ग्राण्डी इन्टरनेसनल हस्पिटलमा हेलिकोप्टर दुर्घटना भएको छ । 

त्रिभुवन विमानस्थलबाट उपचारका लागि चिकित्सक लिन ग्राण्डी पुगेको हेलिकोप्टरले सन्तुलन गुमाउँदा दुर्घटनामा परेको हो ।

घटनास्थलमा पुगेका प्रहरी नायव निरीक्षक खेमराज पन्थीका अनुसार सिम्रिक एयरको हेलिकोप्टर दुर्घटनामा परेको हो । हेलिकोप्टर चालक सकुशल छन् । हेलिकोप्टर हेलिप्याड भएको एक तला मुनि झुण्डिएको अवस्थामा छ । 

दुर्घटनाको कारण खुलेको छैन । घटनास्थलमा सुरक्षाकर्मी परिचालित छन् । हेलिकोप्टरलाई बाहिर निकाल्न प्राविधिकसहितको टोली ग्राण्डी पुग्दैछ ।