अबको तीन दिन भिषण वर्षा हुने, सतर्क रहन अपिल

काठमाडौं- देशका विभिन्न भागमा भिषण वर्षाको सम्भावना रहेको भन्दै मौसम पूर्वानुमान महाशाखाले सजग रहन अपिल गरेको छ ।

महाशाखाले शनिबार एक सुचना जारी गर्दै चुरे र मध्यपहाडका तटीय क्षेत्रमा भारी वर्षा हुने भएकाले त्यसक्षेत्रका बासिन्दालाई सर्तकता अपनाउन  आग्रह गरेको हो ।

महाशाखाका अनुसार भोली आइतबार कमला, खाडो, गागन, रातु, बागमती, पूर्वि राप्ती, रिउखोला, बाणगङगा, पश्चिम राप्ति, बबई, मोहना, मछेली लगायत चुरे र महाभारतबाट बहने नदीहरू मध्य केहीमा बहाब खतरा तहसम्म पुग्ने अनुमान गरिएको छ ।  

आइतबार दिउँसोदेखि चुरे र महाभारतबाट बहने प्राय नदीहरुको बहाव खतराभन्दा माथि जाने महाशाखाले जनाएको छ । 

जारी सूचनामा, ‘तीन दिन देखी सक्रिय मनसुन देशभर फैलिएकाले देशका पूर्व र मध्य र पश्चिम भागको धरै स्थानमा हल्कादेखि मध्ये तथा केही स्थानमा भारी वर्षाको समेत सम्भावना छ ।’

महाशाखाका अनुसार शनिबारबाटै देशका विभिन्न स्थानमा भारी भइरहेको छ । वर्षाको क्रम तीनसम्म रहने महाशाखाले जनाएको छ ।