किमले भने– हतियारको विकास युद्धको सुरुवातका लागि होइन

प्योङयाङ– उत्तर कोरियाली नेता किम जोङ आफूले हतियारको विकास युद्धको सुरुवातका लागि नभएर आत्मरक्षाका लागि गरिरहेको बताएका छन्। उनले भने, ‘हतियारको विकास युद्धको सुरुवातका लागि होइन, आत्मरक्षाका लागि हो।’ 

उनले अमेरिकी शत्रुतापूर्ण नीतिका बाबजुद आफ्नो सेनालाई अजेय बनाउने प्रतिबद्धतासमेत व्यक्त गरेका छन्। एक दुर्लभ हतियार प्रदर्शनीमा सहभागी भएका उनले यस्तो बताएका हुन्। उक्त प्रदर्शनीमा विभिन्‍न किसिमका ठूला हतियारहरु, मिसाइल र ट्यांकहरु  प्रदर्शन गरिएका थिए। 

उत्तर कोरियाले पछिल्लो समय एक हाइपरसोनिक र एन्टी एयरक्राफ्ट मिसाइल परीक्षणको दाबी गरेका थिए। उत्तर कोरियाको राजधानी प्योङयाङमा आयोजित सेल्फ डिफेन्स २०२१ को प्रदर्शनीलाई सम्बोधन गर्दै उनले दक्षिण कोरियासँग लड्‍न नचाहेको पनि बताएका छन्। 

उनले थपे, ‘हामी कसैसँग पनि युद्ध गर्न चाहँदैनौं। युद्ध रोक्‍नका लागि हामीले प्रयास गरिरहेका छौं। आफ्नो मुलुकको सम्प्रभुताको रक्षाका लागि हतियारको विकास गरिरहेका छौं।’ 

उत्तर र दक्षिण कोरियाबीचको तनावका लागि अमेरिका जिम्मेवार भएको समेत उनले बताएका छन्। उनले भने, ‘कोरियाली प्रायद्विपमा अस्थिरताकको जड भनेको अमेरिका हो।