इरानका पूर्वराष्ट्रपति अबुलहसन बनीसद्रको फ्रान्समा निधन

पेरिस- इरानमा पूर्वराष्ट्रपति अबुलहसन बनीसद्रको फ्रान्समा निधन भएको छ। सन् १९७९ को इस्लामी क्रान्तिपछि इरानमा पहिलो राष्ट्रपति बनेका अबुलहसनको ८८ वर्षको उमेरमा शनिबार निधन भएको हो। 

उनी सन् १९८० मा राष्ट्रपति चुनिएका थिए। सत्ता सम्हालेको १६ महिनापछि नै मुलुकमा बढ्दो धर्मगुरुहरुको शक्तिलाई नियन्त्रण गर्ने प्रयास गरेपछि उनीविरुद्ध महाअभियोग लगाएर पदच्युत गराइएको थियो।

त्यसपछि उनी मुलुक छोडेर फ्रान्समा बस्दै आएका थिए। उनको परिवारका अनुसार अशुलहसनको निधन पेरिसस्थित एक अस्पतालमा भएको हो। उनी लामो समयदेखि बिरामी थिए। 

सन् १९६० मा इरानमा राजसत्ताको विरोध गरेको भन्दै उनलाई जेल हालिएको थियो। उनी त्यसपछि फ्रान्समा रहेका अयातुल्लाह अलि खामेनीको सल्लाहकार बनेका थिए। 

क्रान्तिका समयमा खामेनी र अबुलहसन सँगै तेहरान फर्किएका थिए। उनी इरानमा वित्त र विदेशमन्त्रीसमेत बनेका थिए।