जनकपुरधाम- प्रदेश २ का मुख्यमन्त्री लालबाबु राउतले विश्वासको मत पाएका छन्। देशसभाको बुधबार बसेको बैठकमा मुख्यमन्त्री लालबाबु राउतले विश्वासको मतका लागि गरेको प्रस्तावको पक्षमा २ तिहाइभन्दा बढी प्रदेशसभा सदस्यहरुले मतदान गरेपछि मुख्यमन्त्री राउत सहजै विश्वासको मत पाएका हुन्।
प्रस्तावको पक्षमा ७७ जना र विपक्षमा २३ मत परेको थियो। यसअघि प्रदेशसभामा रहेका सबै दलका संसदीय दलका नेता तथा प्रदेशसभा सदस्यहरुले आ–आफनो धारणा राखेका थिए।
मुख्यमन्त्री राउतको पक्षमा जसपा, नेपाली कांग्रेस, माओवादी केन्द्र तथा नेकपा एकिकृत समाजवादीका प्रदेशसभा सदस्यहरुले मतदान गरेका थिए भने विपक्षमा लोसपा र एमालेले मतदान गरेको थियो।