चीनले हुम्लामा सीमा अतिक्रमण गरेको भन्दै जनकपुरमा विरोध प्रदर्शन

जनकपुरधाम- लोकतान्त्रिक समाजवादी पार्टी (लोसपा) निकटका विद्यार्थीहरुले जनकपुरधाममा चीनविरुद्ध प्रदर्शन गरेका छन्। 

लोसपा निकट लोकतान्त्रिक समाजावदी विद्यार्थी संघ धनुषाले 'गो ब्याक चाइना' भन्दै विरोध प्रदर्शन गरेको हो।

चीनले सीमावर्ती क्षेत्र हुम्लामा अतिक्रमण गरेको भन्दै सोमबार जनकपुरधाममा नगर परिक्रमा गर्दै विद्यार्थीहरुले प्रदर्शन गरेका हुन्।

संयोजक प्रशान्त झाले सिमावर्ती क्षेत्रमा चीनले सीमा अतिक्रमण गर्दा संघीय सरकार केहि नबोल्दा सोको विरोधमा प्रदर्शन गरेको बताए।

संघका संयोजक प्रशान्त झाको अगुवाइमा निस्केको जुलुस प्रदर्शनले नगरको परिक्रमा गर्दै रेल्वे स्टेशन, भानु चोक, शिव चोक र जनक चोकमा पुगि कोणसभामा परिणत भएको थियो।

यसअघि चीनले हुम्लाको लिमी लाप्चा क्षेत्रमा नेपाली भूमि अतिक्रमण गरेको भन्दै ११ वटा संरचना निमार्ण गरेको बताइएको छ।