युरोपको 'बेपीकोलम्बो मिसन'ले पठायो मर्करीको पहिलो तस्बिर

बर्सेल्स- युरोपको बेपीकोलम्बो मिसनले मर्करी (बुध ग्रह) को पहिलो तस्बिर पठाएको छ। मिसनले सौर्यमण्डलको सबैभन्दा भित्रि ग्रह बुधको तस्बिर पठाएको बीबीसीले जनाएको छ। 

कन्ट्रोलरले त्यहाँको गुरुत्वाकर्षणको बलमा थप पाँचवटा तस्बिर लिने योजना बनाएको जनाइएको छ। बेपीको उद्देश्य विस्तारै घुम्‍ने र ग्रहको स्थिर अरबिटको तस्बिर लिने जनाइएको हो। 

यो मिसन सन् २०२५ सम्म पूरा हुने पनि बताइएको छ। मिसनले आफ्नो पहिलो तस्बिर कम रिजोलुसनमा लिएको छ। अहिले बेपी हाइ रिजोलुसनको तस्बिर लिनका लागि तयार नभएको बताइएको छ। 

यसमा दुईवटा यानहरु एउटैमा रहेको जनाइएको छ। जसमा एउटा युरोपियन स्पेस एजेन्सी र अर्को जापानी स्पेस एजेन्सीका यानहरु रहेका छन्।