उत्तर कोरियाले भन्यो- नयाँ 'हाइपरसोनिक मिसाइल'को परीक्षण सफल
प्योङयाङ- उत्तर कोरियाले नयाँ हाइपरसोनिक मिसाइल प्रहार गरेको बताएको छ। उत्तर कोरियाले मंगलबार नयाँ हाइपरसोनिक मिसाइल वासङ-८ को सफल परीक्षण गरेको जनाएको हो।
उत्तर कोरियाको सरकारी सञ्चारमाध्यम केसीएनएका अनुसार नयाँ मिसाइल नयाँ पाँच महत्वपूर्ण हतियार प्रणालीमध्येको एक हो। पाँच वर्षीय सैन्य विकास योजना अन्तर्गत उक्त मिसाइल बनाइएको र सफल परीक्षण गरिएको जनाएका छन्।
प्रतिबन्धका बीच मंगलबार परीक्षण गरिएको मिसाइलले प्योङयाङको हतियार प्रविधिमा वृद्धि भइरहेको संकेत गरेको जनाइएको छ। केसीएनएले भनेको छ, 'यो हतियार प्रणालीको विकासले राष्ट्रको आत्मरक्षाको प्रणाली बलियो हुँदै गएको छ।'
उत्तर कोरियाली विश्लेषक अंकित पाण्डाले मंगलबार गरिएको मिसाइल परीक्षण गर्नुको अर्थ उत्तर कोरियाले पहिलो पटक नयाँ हतियार विश्वलाई देखाएको बताएका छन्।
गत जुलाईमा रुसले पनि हाइपरसोनिक मिसाइलको सफल परीक्षण भएको दाबी गरेको थियो। अमेरिका, रुस, चीन र भारतसँग हाइपरसोनिक मिसाइल भएको बीबीसीले जनाएको छ।
अमेरिकी पूर्वराष्ट्रपति डोनाल्ड ट्रम्प पक्राउ, उनीमाथि ३४ आरोप
बंगलादेशको कपडा बजारमा ठूलो आगलागी
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com