मेगा रेमिटको सेवा अब खल्तीबाट पनि

सम्झौता अनुसार, अब सर्वसाधारणहरुले मेगा रेमिटमार्फत स्वदेश तथा विदेशबाट पठाएको रकम खल्ती डिजिटल वालेटबाट पनि प्राप्त गर्न सक्ने भएका छन्।

नेपाल समय | सोमबार, साउन ४, २०७८

नेपाल समय

सोमबार, साउन ४, २०७८

काठमाडौं- मेगा रेमिटको सेवा अब खल्ती डिजिटल वालेटबाट पनि उपलब्ध हुने भएको छ। मेगा बैंक र खल्ती डिजिटल वालेटको स्पारो पे प्राइभेट लिमिटेबीच रेमीट भुक्तानी सेवाका लागि साझेदारी गर्ने सम्झौता भएको हो।

यसका साथै, बेलायत, अष्ट्रेलिया, दक्षिण कोरिया, इजरायल, जोर्डन, कुवेत, युएई, मलेसिया, साउदी अरब र भारतबाट मेगा रेमीटमार्फत पठाएको रकम खल्तीमार्फत् प्राप्त गर्न मेगा बैंकले जानकारी दिएको छ।

नेपालभित्र पनि खल्तीमार्फत रकम पठाउन र प्राप्त गर्न अझ सहज हुने विश्वास बैंकले लिएको छ।

प्रकाशित: Jul 19, 2021| 14:34 सोमबार, साउन ४, २०७८