इन्जिनियर सरुवा हुँदा एसर्इर्इ नतिजा प्रकाशनमा ढिलाइ 

काठमाडौं - शनिबार साँझ ४ बजे सार्वजनिक गर्ने भनिएको एसर्इर्इको नतिजा प्रकाशनमा ढिलाइ भएको छ। परीक्षा नियन्त्रण कार्यालयले अपराह्न ४ बजे पत्रकार सम्मेलनमार्फत नतिजा सार्वजनिक गर्ने भनिएपनि ७ बजिसक्दा सम्म सार्वजनिक गरेको छैन्। 

प्राविधिक कारणले नतिजा आउनुमा ढिलाइ भएको परीक्षा नियन्त्रक अम्बिका प्रसाद रेग्मीले बताएका छन्। उनका अनुसार नतिजा प्रकाशनमा अझै केही समय लाग्ने भएको छ। 

स्रोतका अनुसार परिक्षा नियन्त्रण कार्यालयमा एक इन्जिनियरको सरुवा भएकोले मार्कशिट कम्युटरार्इज गर्न समस्या हुँदा तोकिएको समयमा नतिजा प्रकाशन हनु नसकेको हो। 

गत चैतमा सञ्चालित माध्यामिक शिक्षा परीक्षा (एसईई) को नतिजामा तोकिएको समयमा प्रकाशन नहुँदा विद्यार्थी, अभिभावक तथा शिक्षकशिक्षिका आक्रोशित बनेका छन् । उनीहरुले सामाजिक सञ्जालमा विभिन्न प्रतिक्रियाहरु दिएका छन् । उनीहरुले सामाजिक सञ्जालमा शिक्षाजस्तो संवेदनशिल विषमा राजनीतिकरण गरेर विद्यार्थीको भविष्यमाथि नै लापरबाही गरेको उल्लेख गरेका छन्।  

अहिले नतिजा सार्वजनिक गर्नका लागि प्राविधिक पक्ष मिलाउन परीक्षा बोर्डका पदाधिकारीहरुको बैठक बसिरहेको छ।