जिल्ला न्यायाधीशमा २२ जनाको नाम सिफारिस : को–को परे ?

काठमाडौं- न्याय परिषदले २२ जिल्ला न्यायाधीश नियुक्तिका लागि सिफारिस गरेको छ । 

बिहीबार साँझ बसेको बैठकले न्याय, कानुन र सरकारी वकिल समूहबाट २२ न्यायाधीश सिफारिस गरेको हो । जसमा न्याय सेवाबाट सबैभन्दा बढी १४ जना रहेका छन्। यस्तै कानुनबाट ३ र सरकारी वकिल समूहबाट ५ जनाको नाम सिफारिस भएको छ। 

सिफारिस भएकामा २ जना मात्रै महिला परेका छन् । गीता श्रेष्ठ र दुर्गा खड्का सिफारिसमा परेका हुन् । श्रेष्ठ न्याय समूह र खड्का सरकारी वकिल समूहबाट न्यायाधीशमा सिफारिस भएका हुन्।

सिफारिस हुनेहरुमा कपिलमणि गौतम, विदुर काफ्ले, ध्रुवकुमार उप्रेती, चन्द्रकान्त पौडेल, राजेश कटुवाल, दिलप्रसाद सापकोटा, श्यामलाल घिमिरे रहेका छन् । 

यस्तै सुदर्शन लामिछाने, खिमानन्द भुसाल, टिकेन्द्र दाहाल, वषन्तजंग थापा, चाणकमणि अर्याल पनि सिफारिसमा परेका छन् । 

प्रेमप्रसाद न्यौपाने, प्रह्लादकुमार योगी, दिनबन्धु अर्याल, विनोद खतिवडा, दण्डपाणि लामिछाने, माधव सुवेदी, मणिराम न्यौपाने पनि सिफारिसमा परेका छन् ।