डेनमार्क र अस्ट्रेलियाले बराबरी खेल्दै अंक बाडे

रुस - रसियामा जारी विश्वकप फुटबलअन्तर्गत समूह चरणको दोस्रो खेलमा अस्ट्रेलिया र डेनमार्कले बराबरी १–१ गोल खेल्दै १-१ अंक बाँडेका छन् । 

खेलको सातौ मिनेटमा नै क्रिस्टियन इरिकसेनले गोल गर्दै डेनर्माकलाई अग्रता दिलाए पनि अग्रतालाई जोगाउन नसक्दा बराबरी खेलेको थियो । खेलको ३८ औं मिनेटमा डेनमार्कका खेलाडी जेडिनाकले गरेको पेनाल्टी प्रहारले खेल बराबरी भयो । डेनमार्कका खेलाडीले डिबक्सभित्र हातले बल रोकेपछि अष्ट्रेलियाले पेनाल्टी पाएको थियो ।

खेलको दोस्रो हाफमा अस्ट्रेलियाले बल आफ्नो नियन्त्रणमा राख्दै एकपछि अर्को प्रहार गरेको थियो । तर गोल गर्न भने सकेन । खेलको ८८ औं मिनेटमा अष्ट्रेलियाले २ पटक सर्ट प्रहार गरेको थियो तर, डेनमार्कमा गोलकिपरले उत्कृष्ट बचाउ गरेका थिए ।

डेनमार्कको २ खेलमध्ये १ मा जित र एक खेलमा बराबरी खेल्दै ४ अंक भएको छ । यता, अष्ट्रेलियाको भने २ खेलमध्ये १ खेलमा हार र १ खेलमा बराबरी खेल्दै १ अंक भएको छ ।