विश्वकपमा ६ देश भिड्दै : अर्जेन्टिना र फ्रान्सले मार्लान् बाजी ? 

काठमाडौं- विश्वकप फुटबल प्रतियोगिता अन्तर्गत (बिहीबार) आजपनि ६ देशबीच भिडन्त हुँदैछ ।  आज समुह सी मा रहेका ४ देश र समुह डी मा रहेका २ देशबीच भिडन्त हुन लागेको हो । 

पहिलो खेलमा समूह सी मा रहेका डेनमार्क र अष्ट्रेलियाबीच प्रतिस्पर्धा हुँदैछ । समारा एरिना रंगशालामा हुने खेल नेपाली समयअनुसार साँझ ५ः४५ बजेबाट सुरु हुनेछ ।

आजको खेलमा अष्ट्रेलियालाई जित्नै पर्ने दबाब छ । पहिलो खेलमा अष्ट्रेलिया फ्रान्ससँग २-१ ले पराजित भएको थियो । डेनमार्कले भने पेरुलाई १-० ले हराएको थियो ।

आजै हुने दोस्रो खेलमा समुह सी कै फ्रान्स र पेरू भिड्दैछन् । इकाटेरिनबर्ग एरिना रंगशालामा हुने खेल नेपाली समयअनुसार बेलुका ८ः४५ बजे सुरु हुनेछ । अघिल्लो चरणको यात्रा तय गर्न पेरूलाई यो खेल जित्नैपर्ने दबाब छ । 

यसैगरि आज हुने तेस्रो तथा अन्तिम खेलमा समुह डी मा रहेका अर्जेन्टिना र क्रोएसियाबीच प्रतिस्प्रर्धा हुनेछ । निज्नी नोभगोरोड रंगशालामा हुने खेल नेपाली समयअनुसार राती ११ः४५ सुरुहुने छ । पहिलो खेलमा आइसल्याण्डसंग १–१ को बराबरीमा रोकिएको अर्जेन्टिनालाई आजको खेल जित्नै पर्ने दबाब छ । 

आजको खेल जिताउन मेसिमाथि ठूलो दबाब छ । अघिल्लो पटक उपविजेता बनेको अर्जेन्टिनालाई यसपटक उपाधी दिलाउन मेसीका लागि सम्भवतः यो अन्तिम अवसर हुनेछ ।