सट्टेबाजीमा संलग्न ४ चिनियाँ नागरिक अखेटोपहारसहित पक्राउ

काठमाडौं- सट्टटेबाजीमा संलग्न रहेको आरोपमा ४ जना चिनियाँ नागरिक पक्राउ परेका छन्। काठमाडौं महानगरपालिका–१७ ज्याँठा क्वाबाहालमा जम्मा भई सट्टेबाजी खेलिरहेको अवस्थामा प्रहरीले उनीहरुलाई पक्राउ गरेको हो।

पक्राउ पर्नेमा ३१ वर्षीय जाहो पेनुचेङ, ३४ वर्षीय मा जिङबिन, ३१ वर्षीय निउ युलाइङ र २८ वर्षीय पेङ हुई छन्। ज्याँठामा चिनियाँ नागरिक वोइनलङ सीले सञ्चालन गरेको जियाङ्गु खाजन होटलबाट दुर्लभ वन्यजन्तुको अखेटोपहारसहित प्रहरीले उनीहरिलाई पक्राउ गरेको हो।

उनीहरुका साथबाट ८ लाख ८९ हजार १ सय ५५ रुपैयाँ नगद, दुर्लभ वन्यजन्तुको छाला, कस्तुरीको बिना, बुद्ध चित्र, रुद्राक्ष, बाघको दात, फलामको धारिलो खुकुरी र तलबारसहित पक्राउ गरेको हो।

प्रहरीले होटलबाट दुई थान विद्युतीय टेबल, ४१० थान जुवातास खेल्न प्रयोग हुने गोटी, सात थान मोबाईल, १ थान बाघको छाला, एक थान गाईको छाला १, १० थान बिना, १० थान बुद्धचित्त, २० किलो रुद्राक्ष र दुई थान राहदानी बरामद गरेको छ।

यस्तै ३५ थान विभिन्न बैंकका एटिएम कार्डहरु पनि बरामद गरिएको प्रहरीले जानकारी दिएको छ।