पर्वत–युएई समाजको नयाँ नेतृत्वमा कमल

दुबई (यूएई)– पर्वत सेवा समाज, यूएईको पाँचौ अधिवेशनले समाजसेवामा क्रियाशील युवा कमल लामिछानेको अध्यक्षतामा नयाँ कार्यसमिति निर्वाचित गरेको छ। १८ असार शुक्रबारका दिन ‘जूम’ प्रविधिबाट भएको सो अधिवेशनमा अध्यक्ष, महासचिव र कोषाध्यक्ष पदका लागि प्रत्याशीबीच निर्वाचन भएको थियो। 

दुई वर्षे नयाँ कार्यकालका लागि अध्यक्षमा लामिछानेसँग रुद्र सुवेदीले स्पर्धा गरेका थिए भने महासचिवमा निर्वाचित तिलक सापकोटासँग भीमलाल काफ्लेले उम्मेदवारी दिएका थिए। त्यसैगरी, कोषाध्यक्षमा नरेन सापकोटासँग भएको निर्वाचनमा विनोद पौडेल विजयी भए।

अधिवेशनले प्रथम उपाधक्ष्यमा पूर्ण भुसाल, उपाध्यक्षमा तिलक कुँवर, राजेन्द्र कार्की, किशन पुलामी मगर, सचिवमा ऋषिराम सुवेदी, सहसचिवमा खुम जिसी र सहकोषाध्यक्षमा सुरज केसीलाई निर्विरोध चयन गरेको छ। सदस्यहरुमा भने नारायण रेग्मी, शालिकराम रिजाल, तुलसी काफ्ले, ऋषिराम सुबेदी, जगदीश पौडेल, वेदप्रकाश तिमिल्सिना, नविन थापा क्षेत्री, पुरुषोत्तम रेग्मी, कृष्ण चपाईँ, सञ्जीव अधिकारी र प्रतिभा अधिकारी चयन भएका छन्।

संस्थाको नेतृत्व लिएपछि नवनिर्वाचित अध्यक्ष कमल लामिछानेले नेपाल समय प्रतिनिधिसँग भने, ‘हामी प्रवासमा रहेका पर्वतेलीहरूले हाम्रा सुखदुखमा साथ दिने संस्थाको मूल मर्मलाई नै अघि बढाउने हो। मेरो कार्यकाल यसैमा गतिशील हुनेछ। म अझै गतिशील भएर समाजसेवामा लाग्ने प्रण गर्दछु।’ 

सरोज जिसीको सभापतित्वमा भएको अधिवेशन उद्घाटन कार्यक्रममा प्रमुख अतिथि (अन्तराष्ट्रिय पर्वत समाजका अध्यक्ष पुरन गिरी, विशिष्ट अतिथि पर्वत सेवा समाजका संरक्षक मोहन शर्मा र विशिष्ट अतिथिका रूपमा एनआएनएका सल्लाहकार कुल आचार्य सहभागी थिए।