नेकपाको स्थायी समिति शक्तिशाली, सचिवालय निरिह

काठमाडौं- नेपाल कम्युनिस्ट पार्टी (नेकपा)को स्थायी समिति सबैभन्दा शक्तिशाली हुने भएको छ। शीर्ष नेताहरू मात्र रहेको सचिवालय भने स्थायी समितिसामु निरिह देखिने भएको छ। 

पार्टीको नयाँ विधानमा स्थायी समितिलाई राजनीतिक निर्णय गर्ने निकायका रूपमा प्रस्ताव गरिएको छ। सचिवालयलाई बढी प्रशासनिक बनाउने गरी विधान मस्यौदा तयार गरिएको हो। स्रोतका अनुसार सचिवालयले स्थायी समितिको बैठकको एजेन्डाको तयारी, केन्द्रीय कार्यालय सञ्चालन, तल्ला कमिटीका प्रतिवेदन बुझ्ने र पार्टी निर्णयका सर्कुलर कार्यान्वयन गर्ने अधिकार दिइने भएको छ। स्थायी समितिलाई सबै विषयमा निर्णय गर्ने अधिकार दिइएको छ। 

पार्टीको नौ सदस्यीय सचिवालय छ भने स्थायी समितिमा ४५ सदस्य छन्। शीर्ष नेता रहेर पनि सचिवालयलाई भने बढी अधिकार दिइएको छैन। सचिवालयलाई पूर्वएमालेको ढाँचामा अगाडि बढाइएको छ। हाल सचिलायमा अध्यक्ष केपी ओली, पुष्पकमल दाहाल प्रचण्ड, माधवकुमार नेपाल, झलनाथ खनाल,  रामबहादुर थापा बादल, नारायणकाजी श्रेष्ठ, ईश्वर पोखरेल र विष्णु पौडेल छन्।