विश्वकपमा एसियाली राष्ट्र जापानको पहिलो जित 

रुस - रुसमा जारी विश्वकप २०१८ मा एसियाली राष्ट्र जापानले पहिलो जित हात पारेको छ । मंगलबार समूह ‘एच’ अर्न्तगत मोर्डोभिया एरिनामा नेपाली समयअनुसार ५:४५ बाट शुरु भएको खेलमा जापानले कोलम्बियालार्इ २-० गोलले पराजित गरेको हो ।

बलियो प्रतिद्वन्दी कोलम्बियालाई रोक्ने लक्ष्यको साथ मैदान उत्रेको जापानले विश्वकपको समुह चरणको खेलमा पहिलो जित निकाल्दै विश्वकप २०१८ मा एसियाका तर्फबाट जित हात पार्ने दोस्रो राष्ट्र बनेको हो । 

यसअघि  एसियाली मुलुक इरानले मेरक्कोलाई १–० गोलअन्तरले पराजित गरेको थियो । दक्षिण कोरिया भने स्वीडेनसँग ०-१ गोलले पारजित भएको थियो । 

सन् २०१४ को खेलमा कोलम्बियाबाट सर्वाधिक गोलकर्ता बन्दै गोल्डेन बुट जितेका जेम्स रोड्रिगुएजले कोलम्बियाले गोल खाएको बेन्चमै हेरे ।  

खेलको पाँचौं मिनेटमा नै जापानले सुरुवाती अग्रता बनाएको थियो । खेलको तेस्रो मिनेटमा कोलम्बियाका कार्लोस सान्चेजले डिबक्सभित्र हातले बल रोकेपछि जापानले पेनाल्टी पाएको थियो । पेनाल्टीबाट जापानका सिन्जी कागवाले गोल गर्दै सुरुवाती अग्रता दिलाएका थिए ।

सुरुवाती समयमा नै आक्रमक खेल खेलेको जापानले कोलम्बिया विरुद्ध बहादुरीको साथ पराजित गरेको हो । कोलम्बिया विरुद्ध जापानको यो अहिलेसम्मकै ऐतिहासिक जित हो ।

सुरुवाती समयमा नै निकै आक्रमक खेल खेलेको जापानले खेलको ३९ औं मिनेटमा भने गोल खान पुगेको थियो । कोलम्बियाका जुहान क्युन्टेरोले फ्रिकिकबाट गोल गर्दै १–१ गोलको बराबरीमा पुर्याएका थिए 

पहिलो हाफसम्म १–१ गोलको बराबरीमा रोकिएको जापानले दोस्रो हाफमा थप एक गोल गर्न सफल भएको थियो । खेलको ७३ औं मिनेटमा युवा ओसाकोले गोल गर्दै २–१ गोलको जित दिलाएका हुन् । जितसँगै जापानले महत्वपूर्ण तीन अंक बटुलेको छ ।