१० खेलाडीमा सीमित कोलम्बियाले फर्काय‍ो जापानलार्इ जवाफ

रुस - कार्लोस साञ्चेजले रेड कार्ड पाएर बाहिरिएपछि दश खेलाडीमा सीमित रहेको कोलम्बियाले जापानको पहिलो गोलको जवाफ फर्काएको छ । 

जापाले पेनाल्टी पाएर गरेको पहिलो गोलको कोलम्बियाले फ्रि किक मा खेलको ३१ औ‌ मिनेटमा फर्काएको हो । 

कार्लोसले डिबक्सभित्र हातले बल रोकेपछि जापानले पेनाल्टी पाएको थियो । पेनाल्टीको भरपुर उपयोग गर्दै जर्सी नम्बर १० का खेलाडी सिन्जी कागवाले पहिलो गोल गरेका हुन् । 

विश्वकप फुटबलअन्तर्गत समूह एच को खेलमा जापानले कोलम्बियाविरुद्ध प्रतिस्पर्धा गरिहेको छ । कार्लोसले रातो कार्ड पाएर मैदान छाडेपछि अहिले कोलम्बिया १० खेलाडीमा सीमित बनेको छ ।