विश्वकप : जापानले कोलम्बियासंग बदला लिन सक्ला ?

काठमाडौं- विश्वकप फुटबल प्रतियोगिता अन्तर्गत मंगलबार हुने पहिलो खेलमा कोलम्बियाविरुद्ध जापान मैदानमा उत्रिदैछ । समूह 'एच' मा रहेका यी दुई टोलीबीचको खेल नेपाली समयअनुसार साझ ५:४५ मा सुरु हुँदैछ । 

कोलम्बिया रसिया विश्वकपको आफ्नो पहिलो खेलमा जित हात पार्दै शुखद सुरुवात गर्ने तयारीमा छ भने जापान कोलम्बियालाई रोक्दै आफु जित निकाल्ने रणनीति छ ।

अहिलेसम्म कोलम्बिया र जापानबीच तीन खेलमा भेट भएको छ । जसमा २ खेलमा कोलम्बिया विजयी भएको थियो भने एक खेल बराबरीमा टुङ्गिएको थियो । 

पछिल्लो पटक सन् २०१४ को विश्वकपमा कोलम्बियाले जापानलाई ४-१ गोलले पराजित गरेको थियो । जापान आजको खेलमा त्यो हारको बदला लिने तयारीमा छ । 

यस्तो छ जापानको विश्वकप इतिहास

सन् १९९८ बाट विश्वकपमा डेब्यु गरेको जापानसंग ५ पटक विश्वकप फुटबल प्रतियोगिता खेलेको अनुभव छ । लगातार छैटौं विश्वकप फुटबल खेल्न लागेको जापान अहिलेसम्म २ पटक मात्रै नकआउट चरणमा पुगेको छ ।

सन् २००२ र २०१० को विश्वकपमा जापान प्रिक्वाटरफाइनलमा पुगेको थियो । एसियाको शक्तिशाली फुटबल टोलीका रुपमा चिनिएको जापान यसपटक नकआउट चरणमा पुग्ने रणनीतिका साथ मैदानमा उत्रिदैछ ।  

विश्वकपका लागि जापानको टिम : 

गोलकिपर्स : इआइजी कवासहिमा, मसाकी हिगासिगुछी, कोसुके नकामुरा

डिफेन्डर्स : युटो नगाटोमो, टोमोआकि मकिनो, वटारु इन्डो, माया योसिडा, हिरोकी सकाइ, गोटोकु सकाइ, गेन सोजी, नावमिखि युइडा

मिडफिल्डर्स : मकोटो हसिबी, केइसुकी होन्डा, टकासी इनुइ, सिन्जी कगवा, होटारु यमगुछि, जेन्की हरागुछी, टकासी युसामी, गकु सिबसाकि, र्योटा ओसिमा

फर्वाडस : सिन्जी कागावा, युया ओसाको, योसिनोरी मुटो

आशातित खेलाडी 

केइसुकी होन्डाले जापानको  अपेक्षाकृत खेलाडी हुन् । मेक्सीकन कलब पाचुकामा अनुबन्धित उनको स्किल प्रशंसायोग्य छ ।

आजको खेलमा उनको भूमिका महत्वपूर्ण हुने अनुमान गरिएको छ । २ बुन्डेजलिगा उपाधि जिताउन सफल सिन्जी कागावाको अनुभव जापानको लागि सबल पक्ष रहने आशा गरीएको छ । 

कोलम्बिया विश्वकप यात्रा

सन् १९६२ बाट विश्वकप खेल्न थालेको कोलम्बियाको यो पाँचौ सहभागिता हो । पहिलो सहभागितामा समुह चरणबाटै बाहिरीएको उसले सन् १९९० को विश्वकपमा भने  अन्तिम १६ मा स्थान बनाएको थियो । 

त्यसपछि नकआउट चरणमा पुग्न नसकेको कोलम्बियाले सन् २०१४ मा ब्राजिलमा भएको विश्वकप चमात्कारिक खेल खेलेको थियो । उसले क्वाटरफाइनलसम्मको यात्रा तय गर्दै विश्वको ध्यान आफूतर्फ तानेको थियो । क्वाटरफाइनलमा ब्राजिलसँग २-१ ले पराजित भएपछि खेलबाट बाहिरिएको थियो ।

सन् २०१४ को विश्व कपमा सबैभन्दा धेरै गोल गर्ने खेलाडीको रुपमा कोलम्बियाकै जेम्स रेड्रिगोजले गोल्डेन बुट जितेका थिए । निकै लयमा देखिएको कोलम्बिया यसपटक अघिल्लो विश्वकपमा भन्दा अझै माथि जाने लक्ष्यका साथ मैदान उत्रिदैछ । 

विश्वकपका लागि कोलम्बियाको टिम : 

गोलकिपर्स : डेभिड ओस्पिना, क्यामिलो भर्गास, जोस फर्नान्डो कुएडराडो

डिफिन्डिर्स : क्रिस्टियन जपाटा, डेभिनसन सानकिज, सानटिहागो एरियास, ओस्कर मुरिल्लो, फ्रान्क फाब्रा, जोन मोजिका, यरी मिना

मिडफिल्डर्स : विल्मर बरियोज, कार्लोस सानकिज, जेर्फसन लिर्मा, जोसी इजक्यूइर्डो, जेम्स रोड्रिगुइज, एबेल अगुइलर, मटियुस यूराइब, जुआन फर्नान्डो क्यूइनटिरो, जुआन क्वाडराडो 

फवाडर्स : रडामिल फाल्को, माइगुइल बोर्जो, कार्लोस बक्का, लुइस फर्नान्डो

आशा गरिएका खेलाडी 

मिडफिल्यर्स जेम्स रोड्रिगुइज र डिफेन्डर्स यरी मिना अपेक्षा गरिएका खेलाडी हुन् । उनको   बार्सिलोना र कोलम्बिया दुवैका डिफेन्डर्स हुन् ।

रोड्रिगुइजको स्किल  र भिजनले खेलको सबल पक्ष रहेको छ । रियल मेड्रिड र वार्यन म्युनिकमा अनुबन्धित अझ दक्ष र सशक्त भइ आएका उनको भुमिकालाई आज प्राथमिकता दिइने भएको छ ।