ट्युनिसियालाई हराउँदै इंग्ल्याण्डले जोड्यो ३ अंक

एजेन्सी- विश्वकप फुटबल प्रतियोगिता अन्तर्गत जारी समुहचरणको खेलमा इंग्ल्याण्डले ट्युनिसियालाई पारजित गरेको छ । 

सोमबार राती भएको निकै संघर्षपूर्ण खेलमा ट्युनिसियालाई २–१ गोलअन्तरले पराजित गर्दै इंग्ल्याण्ड विजयी भएको हो । जितसँगै समुह जी मा रहेको इंग्ल्याण्डले महत्वपूर्ण ३ अंक बटुलेको छ ।

इङल्यान्डका लागि दुवै गोल ह्यारी केनले गरेका हुन् । पहिलो गोल खेलको ११ मिनेटमा गोल गरेर ह्यारीले इङल्यान्डलाई अग्रता दिलाएका थिए ।

ट्युनिसियाले खेलको ३५ औँ मिनेटमा पेनाल्टी मार्फत जवाफी गोल फर्काएर खेल बराबरीमा ल्याएको थियो । ट्युनिसियाले पाएको पेनाल्टीमा फेरजानी सासीले गोल गरेका थिए ।
 
९० मिनेटसम्म बराबरी रहेको खेलमा थप गरिएको अतिरिक्त समयमा कप्तान ह्यारी केनले दोस्रो ब्यक्तिगत गोल गर्दै इंग्ल्याण्डलाई जित दिलाए ।

रक्षात्मक खेल खेल्न खोजेको ट्युनिसिया अन्तिम समयमा समालिन नसक्दा गोल खान पुग्यो ।