कोरोनाबाट मृत्यु हुने सबैभन्दा बढी ६० वर्ष माथिका

नेपालमा कोरोना संक्रमणका कारण अहिलेसम्म ८ हजार ९१८ जनाको मृत्यु भएको छ। मृत्यु हुनेमध्ये सबैभन्दा धेरै ६० वर्षभन्दा माथि उमेर समूहका रहेको स्वास्थ्य मन्त्रालयको तथ्यांक छ।

नेपाल समय | बिहीबार, असार १०, २०७८

नेपाल समय

बिहीबार, असार १०, २०७८

काठमाडौं– नेपालमा कोरोना संक्रमणका कारण अहिलेसम्म ८ हजार ९१८ जनाको मृत्यु भएको छ। मृत्यु हुनेमध्ये सबैभन्दा धेरै ६० वर्षभन्दा माथि उमेर समूहका रहेको स्वास्थ्य मन्त्रालयको तथ्यांक छ।

कोरोना संक्रमणका कारण ४ हजार ७६५ जना ६० वर्ष माथि उमेर समूहका मानिसको मृत्यु भएको छ। त्यस्तै ५० देखि ५९ वर्ष उमेर समूहका १ हजार ७६१ जनाको मृत्यु भएको छ भने ४० देखि ४९ वर्ष उमेरका १ हजार ३१० जनाको मृत्यु भएको मन्त्रालयको तथ्यांक छ।

त्यस्तै ३० देखि ३९ वर्षका ७४३, २० देखि २९ वर्षका २५७, १० देखि १९ वर्षका ४४ जना संक्रमितको मृत्यु भएको छ। त्यस्तै ९ वर्षसम्मका ३८ जना बालबालिकाको मृत्यु भएको मन्त्रालयले जनाएको छ। नेपालमा पहिलोपटक २०७७ जेठ ३ गते २९ वर्षिया महिलाको कोरोना संक्रमणका कारण मृत्यु भएको थियो।

प्रकाशित: Jun 24, 2021| 12:52 बिहीबार, असार १०, २०७८