विश्वकपमा स्वीडेनको विजयी सुरुवात

रुस- स्वीडेनले रुसमा जारी फिफा विश्वकप फुटबलमा विजयी सुरुवात गरेको छ । सोमबार भएको खेलमा दक्षिण कोरियालाई १-० गोलले हराउँदै स्वीडेनले विजयी सुरुवात गरेकाे हो ।

नोवगोरोड़ स्टेडियममा भएको खेलमा स्वीडेनले पेनाल्टीमा गोल गर्दै जित निकालेको हो । स्वीडेनका एन्डे्रस ग्रान्कभिस्टले ६५ औं मिनेटमा पेनाल्टीमार्फत गोल गरे ।

दक्षिण कोरियाका किम मिन वुले स्वीडेनका भिक्टरलाई पेनाल्टी बक्समा लडाएपछि भिडियो असिस्टेन्ट रेफ्री (भीएआर) को सहायतामा रेफ्रीले स्वीडेनलाई पेनाल्टी दिएको थियाे । जसमा ग्रान्कभिस्टले सहजै गोल गरे ।

खेलमा सर्वाधिक ४३ फल गरेका छन् । जसमा स्वीडेनले २० र दक्षिण कोरियाले २३ फल गरेको छ । कुल तीन पहँलो कार्ड दिइएको खेलमा दक्षिण कोरियाले दुर्इ र स्वीडेनले एक पाएको हो ।

योसंगै स्वीडेनले समूह एफबाट ३ अंक जोडेको छ  । यो समूहमा मेक्सिकोले पनि ३ अंक जोडेको छ । मेक्सिकोले जर्मनीलाई १-० ले स्तब्ध बनाएको थियाे ।