राष्ट्रपतिसँग ओलीलाई नै निरन्तरता दिने कुनै आधार छैन : वरिष्ठ अधिवक्ता हरिहर दाहाल

काठमाडौं- नेपाल बार एशोसिएशनका पूर्वअध्यक्ष एवं बरिष्ठ अधिवक्ता हरिहर दाहालले राष्ट्रपतिले बहुमत सांसद्को हस्ताक्षरको कदर गर्नुपर्ने बताएका छन्।

प्रतिनिधिसभा विघटनविरुद्धको मुद्दामा संवैधानिक इजलासमा बहस गर्दै उनले यस्तो बताएका हुन्। ‘बहुमत सदस्यसहित देउबाले प्रधानमन्त्रीमा दाबी गरे पनि ओलिलाई नै निरन्तरता दिने मनसायले रास्ट्रपतिले दोहोरो दाबी परेको बताइन्,’उनले भने,‘संसदमा बहुमत र बिश्वासको मत गुमाएको प्रधानमन्त्रीले कसरी दाबी गर्न सक्छ यसको आधार के हो?’

उनले संविधानको धारा ७६ उपधारा ५ मा दलको ह्वीप समेत नलाग्ने प्रष्ट पारे। ‘रास्ट्रपतिले बहुमत सांसद्को हस्ताक्षरको कदर गर्नुपर्छ,’उनले भने,‘दोहोरो दाबी परेको छ भन्न मिल्दैन यो संविधान बिपरित हो।’

उपधारा ५ बमोजिम केपीशर्मा ओलीले प्रधानमन्त्रीमा दाबी गर्न नमिल्ने भन्दै उनले रास्ट्रपतिसँग ओलीलाई निरन्तरता दिने कुनै आधार नै नभएको बताए।