मेस्सीले राम्रो खेल्ने आशमा अजर

काठमाडौं- आफ्ना निजी कामहरूलाई धेरैले पन्छाउदै यो समय विश्वकप हेर्न तल्लिनमा छन् । त्यस्तै तल्लिनमा छन् गायक अजर जंगम पनि । 

उनले टिसर्टसँग सेल्फी लिँदै म्याकिङ फेस, डिस्ट्रबेन्स नट अलाउड, नो स्लीपिङ, ड्रिम अन्ली गोल्स, विश्‍वकप फिभर, अर्जेन्टिना फर दुई हजार अठार क्रमश लेख्दै अर्जेन्टिनाको खेलाडी मेस्सीको समर्थनमा टि-सर्ट लगाएर फेसबुकमा सेल्फी समेत पोष्ट गरेका छन् । उनी भन्छन्, ‘म लियोनल मेस्सीको बिग फ्यान हुँ ।’
 
‘तिम्रो हाल सोध्ने छन्’ बोलको गीतको तयारीमा रहेका अजर विशुद्ध विश्‍वकपमय भएका छन् । उनी भन्छन्, ‘विश्‍वकपले निद्रा समेत खलबलाइदिएको छ ।’ 
गोधुलीसँगै मान्छेहरू टिभीको स्क्रीनमा टोलाउन थाल्छन् । सडक किनारमा टिभीले वल्र्डकपको हुटिङ चिच्याइरहेको छ । चियापसलदेखि स्कुल कलेजहरूमा विश्‍वकपको गसिफ चर्किएको छ । 

त्यस्तै गायकहरूको दुनियाँमा पनि विश्‍वकपले उत्तिकै प्रभाव पारेको छ । उनी भन्छन्, ‘आफू खेलाडी भएकोले खेल त स्वभावैले मन पर्छ ।’
टिसर्ट लगाएर हातमा गितार समातेका उनी आफूलाई नि खेलाडी सम्झन्छन् । र उनी साँच्चै जिम्न्यास्टिकका खेलाडी नै हुन् । फुटबल खेल्ने धोको नभएको होइन उनलाई । गायनमा लागेपछि फुटबल हेरेर चित्त बझाउदै छन् । अघिल्ला चरणका खेललाई उनले घरमै हेरे । अन्तिम चरणका खेललाई ग्यादरिङ्गमा भएर हेर्ने सोंच भएको बताउँछन् । र थप्छन, ‘मुड अनुसार हेर्ने हो गेम ।’

चारवर्ष अघि मेस्सीले खेलेको खेलको जादु नदेखाउदा मेस्सीका फ्यान धेरै निराश छन् । त्यस्तै निराश भएका छन् अजर पनि । उनी भन्छन्, ‘मेस्सीले यति कमजोर खेल खेलिदिए, जो हामीले सोचेका थिएनौं ।’

सायद सबै फ्यान यही भनिरहेका छन् । कतिले त मेस्सीको दश नम्बर टिसर्टलाई साइकल पुस्ने कपडासमेत बनाइदिए । कतिले टिसर्ट खोलेर हुर्राए । तर अजरले त्यस किसिमले खेललाई नहेरेको बताउँछन् । र खेलाडीलाई उस्तै आदर गरेका छन् । उनी भन्छन्, ‘खेल सधैं एकनासको हुँदैन, खेलमा उतारचढाव आइरहन्छ ।’
ग्रुप डि अन्तर्गतको आइसल्याण्ड र अर्जेन्टिनाबीचको खेलमा मेस्सीले पेनाल्टी गोल मिस गरे । फेसबुक वालभरि ‘मिस पेनाल्टी’ लेखेर मेस्सीलाई पोष्ट गरिए । यसप्रति सबै फ्यान दुखी भए । 

पेनाल्टी गोल हान्न नसक्नु के भाग्यले साथ नदिएको हो त मेस्सीलाई ? मेस्सीलाई मन पराउने अजरले खेलाडीको मर्म बुझेको बताउछन् । उनी भन्छन्, ‘पेनाल्टीको गोल चुकाएकोप्रति विश्व चकित परेको छ हामी के ?’ 

खेल मैदानमा देखिने चिज हो । कसले कति खेल्न सक्छ खेलिरहदा थाहा हुन्छ । बाँकी खेलप्रति पनि मेस्सीले राम्रो खेल्ने विश्वस्त छन् । उनी भन्छन्, ‘खेल अझै बाँकी छ र मेस्सीले राम्रो खेल्ने छन् । 

मेस्सीले खेलको जादुले छोडेको प्रभाव अजरलाई पनि छ । उनी पनि आशावादी छन् मेस्सीप्रति । स्वार्थ रहित फ्यानले मन पराएको खेलाडीले राम्रो खेलिदियोस् भन्ने मनमा हुन्छ । उनको मनमा पनि त्यस्तै भइदिएको छ ।