विश्वकपमा इंग्ल्यान्ड र ट्युनिसियाको प्रभाव कति ?

काठमाडौं- विश्वकप फुटबलको अन्तर्गत सोमबार हुने तेस्रो खेलमा इङ्ल्यान्डविरुद्ध ट्युनिसिया मैदानमा उत्रिदैछ ।
 
२० बर्षपछि पुन विश्वकपमा एकै समुहमा परेका यी दुई टोलीबीचको खेल नेपाली समय अनुसार राती पौने १२ बजे  हुनेछ । 

इंग्ल्याण्ड रसिया विश्वकपको आफ्नो पहिलो खेलमा जित हात पार्दै सुखद शुरुवात गर्ने तयारीमा छ भने ट्युनिसियाको इंग्ल्याण्डलाई रोक्ने रणनीति छ ।

अहलेसम्म ट्युनिसिया र इंग्ल्याण्डको २ खेलमा भेट भएको छ । जसमा एक खेल बराबरी भएको छ भने एक खेल इंग्ल्याण्डले जितेको छ ।

इंग्ल्याण्ड

अहिलेसम्म १४ पटक विश्वकप खेलेको इंग्ल्याण्डले एक पटक उपाधि चुमेको छ भने एक पटक चौथो र ५ पटक क्वारटफाइनलमा पुगेको छ ।

५२ वर्षअघि, सन् १९६६ मा आफ्नै भूमिमा भएको विश्वकपको उपाधी जित्दै इंग्ल्याण्डल इतिहास रचेको थियो । जर्मनीलाई आफ्नै मैदानमा ४-२ गोल अन्तरले पराजित गर्दै उ विजयी भएको हो ।  त्यसयता उ फाइनलमा समेत पुग्न सकेको छैन् । 

लगातार आफ्नो स्तर खस्किदै गएको इङ्ल्यान्डलाई यसपटक बलियो उपस्थिती देखाउन ठूलो दवाव छ । उ आफ्नो प्रभाव देखाउन यसपटक ठूलै तयारीका साथ मैदान उत्रिदैछ ।  

विश्वकपका लागि इंग्ल्यान्डको टिम

गोलकिपर्स : ज्याक बटयान्ड, जोर्डन पिकफोर्ड, निक पोप ।

डिफेन्डर्स : ट्रिन्ट एलेक्सेन्डर अरनोल्ड, गेरी काहिल, फविएन, फिल जोन्स, ह्यारी मगुइर, ड्यानी रोज, जोन स्टोन्स, काइरन ट्रिपपनइर, काइल वाल्कर, असले यङ ।

मिडफिल्डर्स : डिल अलि, इरिक डाइर, जोर्डन हेन्डर्सन, जेसी लिडगार्ड, रुबेन लफ्टस चिक ।

फरवार्ड : ह्यार केन, मार्कस रासफोर्ड, रहिम स्ट्रलिङ, जमाइ भार्डी, ड्यानी विलबेक ।

ट्युनिसिया 

सन १९७८ अर्जेन्टिनामा भएको प्रतियोगिताबाट विश्वकपमा सहभागि हुन थालेको ट्युनिसियाको यो पाँचौ सहभागिता हो । 

अर्जेन्टिनामा भएको विश्वकपमा डेब्यु गरेको ट्युनिसियाले समूह चरण भने पार गर्न सकेन । सन् १९९८ देखि २००६ सम्म लगातार तीन वटा विश्वकप खेले पनि ट्यनिसियाले समूह चरण पार गर्न सकेन ।

२०१० मा छनोट हुन नसकेको ट्युनिसिया रसिया विश्वकपमा भने राम्रो प्रदर्शन गर्ने दाउमा छ ।

 विश्वकपका लागि ट्युनिसियाको टिम

गोलकिपर्स : फरोक विन मुस्टाफा, मोइज हसेन, अमेन माथलउथी ।

डिफेन्डर्स : रमी बेडोइ, योहान विनालोआने, स्याम विन योसेफ, डाइलान ब्रोन, ओउसान हड्डाडी, अली मालउन, यासाइन मेरिआ, हमाडी नागगुइज ।

मिडफिल्डर्स : व्हबी खज्री, अनाइस बद्री, मोहमद वेन अमोर इटोआइल, साहिल फिजानी ससी, एल्लेस स्खिरी ।

फरवार्डः सौफे इदिन खओयुई, फर्खे्दिने बेन युसुफ, सबेर खलिफा, बेस्सेम सरार्फी, नेइम सेलेती, अहमद खलिल, घायलेन चालेली ।