विश्वकप फुटबल : स्वीट्जरल्याण्डले रोक्यो ब्राजिललाई 

एजेन्सी- विश्वकप फुटबल प्रतियोगिताको जारी समुह चरणको खेलमा उपाधिको प्रवल दावेदार मानिएको ब्राजिल स्वीट्जरल्याण्डसंग बराबरीमा रोकिएको छ । 

समूह ‘ई’ को खेलमा उत्कृष्ट प्रदर्शन गरेको स्वीट्जरल्याण्डले ब्राजिललाई १-१ को बराबरीमा रोकेको हो । खेल बराबरी भएपछि ब्राजिल स्वीट्जरल्याण्डसंग अकं बाड्न बाध्य भयो । दुबै टोलीको खातामा १/१ अंक जम्मा भएको छ । 

खेलको सुरुवातमा उत्कृष्ट प्रदर्शन गरेको ब्राजिलले २० औं मिनेटमा अग्रता लिएको थियो । ब्राजिलका लागि फिलिपे कौन्टिन्होले गोलपोष्टको जाली चुमाउँदै अग्रता दिलाएका थिए ।

पहिलो हाफसम्म उनकै गोलले अग्रता लिएको ब्राजिलविरुद्ध स्वीट्जरल्याण्डले खेलको ५० औं मिनेटमा बराबरी गोल फर्कायो । उसकालागि स्टेभन जुबेरले गोल गरेका हुन् । 

पहिलो हाफमा दुबै टिमले गोल गर्ने राम्रा अवसर खेर फालेका थिए । खेलको अन्तिम समयमा ब्राजिलले एकपछि अर्को गोल गर्ने अवसर पाएको थियो । तर त्यो अवसरलाई सदुपयोग गर्न ब्राजिलका खेलाडी चुके । खेलमा नेयमारको प्रदर्शन पनि औसत मात्रै देखिन्थ्यो ।