विश्वकपमा आजः जर्मनी र ब्राजिलले मार्लान बाजी ?

काठमाडाैं- विश्वकप फुटवलमा आइतबार तीनवटा खेल हुँदैछन् । समुहचरण अन्तर्गतको आजको पहिलो खेलमा  सर्विया र कोष्टारिका भिड्दैछन् । 

यो खेल नेपाली समय अनुसार बेलका पौने ६ बजे सामरा शहरको सामरा एरिना रङ्गशालामा हुनेछ । दुबै टोलीलाई विश्वकपमा औसत टिमको रुपमा लिइन्छ । 

यस्तै आजै हुने दोस्रो खेलमा लेटिन अमेरिकी मुलुक मेक्सिकोविरुद्ध चार पटकको विश्व विजेता जर्मनी मैदानमा उत्रिदैछ । खेल मस्कोको लुझ्निकी रंगशालामा वेलुकी पौने ९ बजे सुरु हुनेछ ।

खेलमा जर्मनी सहज जित हात पार्दै विश्वकप यात्राको सुरुवात सुखद बनाउने तयारीमा छ भने मेक्सिको उसलाई रोक्ने रणनीतिमा छ । 

यस्तै आजै हुने तेस्रो खेलमा फुटवलको पावर हाउस मानिने ब्राजिल र स्विट्जरल्याण्ड भिड्नेछन् ।

विश्वकपको दावेदार मानिएको ब्राजिल र स्विट्जरल्याण्डबीचको खेल नेपाली समय अनुसार राति पौने १२ बजे सुरु हुनेछ । खेल रोस्तोभ एरिनामा हुनेछ । 

फिफा वरियताको छैटौं स्थानमा रहेको स्विट्जरल्यान्ड र दोस्रो स्थानमा रहेको ब्राजिलबीचको खेल पनि प्रतिस्पर्धात्मक हुने अनुमान गरिएको छ । ब्राजिल जित हात पार्दै खेलमा आफ्नो प्रभाव देखाउने तयारीमा छ भने स्विट्जरल्यान्ड उसलाई रोक्ने रणनीतिमा हुनेछ ।