अर्जेन्टिना र आइसल्यान्डको पहिलो हाफ १-१ को बराबरीमा

काठमाडौं । विश्वकप २०१८ अन्तर्गत अर्जेन्टिना र आइसल्यान्डबीचको खेलमा पहिलो हाफ १-१ को बराबरीमा सकिएको छ । पहिलो हाफको १९ औ मिनेटमा एक गोलको अग्रता लिएको अर्जेन्टिनाविरुद्ध चार मिनेट बित्न नपाउँदै आइसल्यान्डले गोल गर्दै खेललार्इ बराबरी बनाएको छ ।

पहिलो पटक विश्वकप खेलिरहेको आइसल्याण्डविरुद्ध अर्जेन्टिनाले सुरुवाति अग्रता लिएको थियो । सर्जिओ एग्युरोले १९ औ मिनेटमा पहिलो गोल गरे । अर्जेन्टिनाले एक गोलको अग्रता लिएको चार मिनेट पुग्न नपाउँदै आइसल्यान्डले अर्को गोल गरेको छ ।

आइसल्याण्डका लागि अल्फ्रेड फिन्बोगासनले बराबरी गोल फर्काए । खेलको २३औं मिनेटमा अल्फ्रेडले गरेको गोलले आइसल्यान्ड र अर्जेन्टिना १-१ को बराबरीमा पुगेको छ । यसरी पहिलो हाफमा दुवै टोली एकएकको बराबरीमा पुगे ।