फ्रान्सले अस्ट्रेलियालार्इ २-१ ले हरायो

काठमाडौं- फ्रान्सले अस्टेलियालार्इ २-१ गोल अन्तरले पराजित गरेको छ । शनिबारको पहिलो खेलमा पहिलो हाफ गोलरहित बराबरीमा सकिएको थियो । खेलको ५८ औ मिनेटमा फ्रान्सले एक गोलको अग्रता लिएको थियो । फ्रान्सले पाएको पेनाल्टीलार्इ सही सदुपयोग गर्दै १-० को अग्रता लियो । त्यो अग्रता धेरै बेर टिक्न नपाउँदै अस्ट्रेलियाले पनि जवाफी गोल फर्कायो ।

फ्रान्सले रिभ्यूमार्फत पेनाल्टी पाएको थियो । दोस्रो हाफमा भिडियो एसिस्टेन्ट रेफ्री (भीएआर) लिएपछि फ्रान्सलाई पेनाल्टी पाएको थियो । पेनाल्टी मार्फत ग्रिजम्यानले सहजै गोल गरे ।

५८ औं मिनेटमा एन्टोनी ग्रिजम्यानको पेनाल्टी गोलबाट अग्रता लिएको फ्रान्सले धेरैबेर अग्रता लिन नपाउँदै पेनल्टीको अवसर पाएको अस्ट्रेलियाले गोल गर्दै खेललार्इ बराबरीमा ल्यायो । फ्रान्सका उम्टिटीले हृयाण्ड गरेपछि अष्ट्रेलियाले पेनाल्टी पाएको थियो । जेडिकनले पेनाल्टीको सदुपयोग गर्दै गोल गरे ।

त्यसपछि पोग्बाले गरेको गोलसँगै फ्रान्सले २–१ को अग्रता लिएको छ ।