कञ्चनपुरमा १९ वर्षीया किशोरीमाथि सामूहिक बलात्कार, एक जना पक्राउ

धनगढी- कञ्चनपुरमा १९ वर्षीया किशोरीमाथि सामूहिक बलात्कार भएको छ। 

जिल्लाको वेदकोट नगरपालिका-५ मा स्थानीय युवतीमाथि दुई जना युवकले बलात्कार गरेको प्रहरीले जनाएको हो।

बलात्कार गरेको आरोपमा वेदकोट नगरपालिका-६ का २३ वर्षीय धनबहादुर विकलाई पक्राउ गरिएको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक अमरबहादुर थापाले बताए। 

बलात्कारमा संलग्न स्थानीय अर्का आरोपी भने फरार रहेको प्रहरी नायव उपरीक्षक थापाले बताए। उनको खोजीकार्य भइरहेको थापमले जानकारी दिएका छन्।

बिहीबार नर्सरीमा उनीहरूसँगै घुम्न गएका बेला किशोरीमाथि दुवैजनाले बलात्कार गरेको पीडित युवतीको भनाइ छ। 

राति करिब ९ बजेतिर सामूहिक बलात्कार गरेको खबर प्राप्त भएपछि जिल्लाबाट खटिएको प्रहरी टोलीले आरोपीमध्येका विकलाई शुक्रबार बिहान पक्राउ गरेको थापाले बताए।

युवतीको राति नै स्वास्थ्य परीक्षण गरिएकोमा रिपोर्ट आउन बाँकी छ। नर्सरीमा उनीहरूले युवतीलाई मदिरा सेवन गराएर उनीमाथि बलात्कार गरेको प्रारम्भीक अनुसन्धानबाट खुलेको उनले बताए।