कांग्रेस युवा नेताहरूको प्रयासमा नि:शुल्क खाना वितरण

काठमाडौं- नेपाली कांग्रेशका युवा नेताहरूले निषेध आदेशमा समस्यामा परेका नागरिकहरूलाई खाना खुवाउने काम गरिरहेका छन्। काठमाडौं नयाँबसपार्क र माछापोखरि क्षेत्रमा नि:शुल्क रुपमा युवाहरूले खाना वितरण गरिरहेका हुन्।

भर्खरै मात्रै हृदयघातको अपरेसनपछि स्वास्थ्य लाभ गरेका कांग्रेस युवा नेता भुपेन्द्रजङ शाही, नेताहरू ऋषि कोइराला, सुमन गिरी, सुबास कट्टेलले नि:शुल्क खाना वितरण गरिरहेका हुन्।

पहिलो लकडाउनको समयमा काठमाडौं, कर्णाली र देशका विभिन्न स्थानमा समस्यामा परेका नेता शाही गत फागुनमा हृदयघातपछि अस्पतालमा भर्ना भएका थिए। केही महिना आराम गर्न डाक्टरहरूले परामर्श दिएको भए पनि महामारीमा घरमै बस्न मनले नदिएकाले सेवामा खटिएको उनले बताएका छन्। 

सात दिनदेखि निरन्तर खाना खुवाउँदै आएको उनले बताएका छन्। उनले आजसम्म २५ सय भन्दा बढी व्यक्तिलाई भोजन गराइसकेको बताउँछन्।  उनले निषेधाज्ञा अवधिभर अभियानलाई निरन्तरता दिने बताएका छन्।