ओलीले राष्ट्रवाद र सदाचारको लँगौटी खुस्किसकेको थाहै पाएनछन् : रामचन्द्र पौडेल

काठमाडौं- नेपाली कांग्रेसका वरिष्ठ नेता रामचन्द्र पौडेलले केपी ओली राष्ट्रवादको लँगौटी विखण्डनको पगरी बनिसकेको बताएका छन्।

सामाजिक सञ्जाल फेसबुकमा धारणा लेख्दै उनले यस्तो लेखेका हुन्। 

पौडेलले ‘सत्ताको साँचो सुम्पेर राष्ट्र विखण्डनको मतियार बन्न पुग्नुले राष्ट्रवाद र सदाचारको लँगौटी खुस्किसकेको थाहै पाएनछन्’ भनेका छन्। 

‘सत्ता होइन व्यवस्थालाई महत्त्व दिउँ भन्दै थिएँ। सत्ताको पछि भौतारिँदै गर्दा हाम्रा राष्ट्रवादी केपी ओलीले सत्ता जोगाउन चुरे ध्वस्त गराएर मधेस नै गुमाउने डुबाउने, साल्ट ट्रेडिङ मासेर आयोडिनयुक्त नुनको हाहाकार गराउने र बहुल राष्ट्र मुक्तिसँग्राम गर्न सत्ताको साँचो सुम्पेर राष्ट्र विखण्डनको मतियार बन्न पुग्नुले राष्ट्रवाद र सदाचारको लँगौटी खुस्किसकेको थाहै पाएनछन्। ओली राष्ट्रवादको लँगौटी विखण्डनको पगरी बनिसकेछन्,’ उनले लेखेका छन्।