आजदेखि खुल्यो कतार भिसा सेन्टर

कतार भिसा सेन्टर आजदेखि खुलेको छ।

नेपाल समय | सोमबार, जेठ २४, २०७८

नेपाल समय

सोमबार, जेठ २४, २०७८

काठमाडौं- कतार भिसा सेन्टर आजदेखि खुलेको छ। जुन ७ देखि नै कतार र नेपालबीच हप्तामा एक दिन उडान हुने भएपछि कतार भिसा सेन्टर पनि सञ्चालनमा आएको हो।

कोरोना संक्रमण रोकथामका लागि सरकारले काठमाडौं उपत्यकामा निषेध आदेश जारी गरेसँगै बन्द भएको भिसा सेन्टर जुन ७ र ८ मा ५०–५० जनाको स्लट खुला हुनेछ। जुन ९ देखि भने प्रत्येक दिन २०० जनाको स्लट खुल्ला हुनेछ।

कतार भिसा सेन्टरबाट वैदेशिक रोजगारीमा जाने कामदारहरूको बायोमेट्रिक र स्वास्थ्य परीक्षणको काम हुन्छ। कतार भिसा सेन्टरमार्फत् कतारमा हुने स्वास्थ्य परीक्षण, बायोमेट्रिक र करार सम्झौता प्रमाणीकरणको काम हुन्छ।

प्रकाशित: Jun 07, 2021| 05:51 सोमबार, जेठ २४, २०७८