नेपाल समय पोल : इजिप्ट र उरुग्वेबीचको खेलमा को विजयी ?

काठमाडौं- विश्वकप २०१८ को दोस्रो दिनको इजिप्ट र उरुग्वेबीचको पहिलो खेलका लागि नेपाल समयले गरेको पोल परिणामका आधारमा नतिजा सार्वजनिक गरेको छ। 

सामाजिक सञ्जाल फेसबुकमार्फत गरिएको पोल परिणामलार्इ आधार बनाउँदा उरुग्वेको मत अग्रपंक्तिमा छ । बिहीबार चार बजेदेखि शुरु गरिएको पोलिङ् शुक्रबार खेल शुरुहुनुभन्दा एक घण्टा अघि ४:४५ सम्मको नतिजा सार्वजनिक गरिएको हो ।

उरुग्वे जित्छ भन्ने पक्षमा ६४ प्रतिशत मत परेको छ भने इजिप्ट जित्छ भन्ने पक्षमा ३६ प्रतिशत मत परेको छ । 

नेपाल समयले जुन १४ देखि सुरु गरेको पोलिङ जुलार्इ १५ सम्म विश्वकप अवधिभर अनुमानित प्रारम्भिक नतिजा सार्वजनिक गर्नेछ।

यो पनि पढ्नुस् 

• विश्वकप : उरुग्वे र इजिप्ट को कति बलियो ? 

यी दुर्इ टिम शुक्रबार ५:४५ बजे रसियाको इक्टेरियनबर्ग स्टेडियमको मैदान उत्रनेछन् । उरुग्वेले १३ औं पटक विश्वकप खेल्न लागेको हो भने इजिप्ट तेस्रो पटक विश्वकपमा भाग लिन लागेको हो ।