सिटिजन्स बैंकद्वारा दुई लाखसम्मको कर्जा पाउने ‘पे डे लोन’ सार्वजनिक

नेपाल समय | शुक्रबार, जेठ २१, २०७८

नेपाल समय

शुक्रबार, जेठ २१, २०७८

सिटिजन्स बैंकद्वारा दुई लाखसम्मको कर्जा पाउने ‘पे डे लोन’ सार्वजनिक

काठमाडौं– सिटिजन्स बैंक इन्टरनेसनल लिमिटेडले एफ वान सफ्ट इन्टरनेशनल प्रालिसँग सहकार्य गरेर आफ्ना ग्राहकको सुविधाका लागि “पे डे लोन” नामक नयाँ कर्जा सुविधा सार्वजनिक गरेको छ । बैंकका प्रमुख कार्यकारी अधिकृत गणेश राज पोखरेलले “पे डे लोन” योजना सार्वजनिक गरेका हुन् ।

बैंकमा तलब खाता संचालन गरिरहेका तथा बचत खातामा नियमित कारोबार गर्ने ग्राहकहरुले अधिकतम ३० दिन सम्मका लागि अधिकतम २ लाख सम्म मोबाइल बैकिङ्गबाट “पे डे लोन” सुविधा सहजै प्राप्त गर्न सक्ने बैंकले जनाएको छ । बैंकका अनुसार यो कर्जाको लागि कुनै पनि निवेदन दिन र कानूनी कागजात गरी रहनु पर्ने छैन ।

ग्राहकहरुलाई आवश्यक भइरहने खर्च व्यवस्थापन गर्न“पेडे लोन” सुविधाबाट अधिकतम लाभ प्राप्त हुनेमा बैंक विश्वस्त रहेको छ । बिना धितो, बिना कागजी प्रक्रिया, बिना बैंक शाखा भ्रमण तथा तुरुन्त ऋण प्राप्त गर्न सकिने जस्ता विशेषताले गर्दा यो लोकप्रिय हुने विश्वास बैंकले लिएको छ ।

प्रकाशित: Jun 04, 2021| 06:47 शुक्रबार, जेठ २१, २०७८