काठमाडौं- नेपालमा पछिल्लो २४ घण्टामा ५ हजार ११६ जनामा कोरोना संक्रमण पुष्टि भएको छ। १३ हजार ८०५ जनाको पीसीआर र ३ हजार ७३ जनाको एन्टिजेन परीक्षण गर्दा ५ हजार ११६ जनामा संक्रमण पुष्टि भएको स्वास्थ्य तथा जनसंख्या मन्त्रालयको जानकारी दिएको छ।
बुधबार पनि नयाँ कोरोना संक्रमितभन्दा संक्रमणमुक्त हुने धेरै भएका छन्। पछिल्लो २४ घण्टामा ७ हजार २१९ संक्रमित कोरोना संक्रमणमुक्त भएको मन्त्रालयले अद्यावधिक गरेको विवरणमा उल्लेख छ।
विगत २४ घण्टायता १०१ जना कोरोना संक्रमितको मृत्यु भएको छ। हाल १ लाख १ हजार ९९३ जना सक्रिय संक्रमित छन्।
प्रकाशित: Jun 02, 2021| 10:43 बुधबार, जेठ १९, २०७८
