सुदूरपश्चिम प्रदेशको बजेट अधिवेशन पर्सि

धनगढी- सुदूरपश्चिम प्रदेश सरकारले पर्सि (जेठ २१ गते) का लागि बजेट अधिवेशन आह्वान गर्न प्रदेश प्रमुखसमक्ष सिफारिस गर्ने निर्णय गरेको छ। 

बुधबार बसेको मन्त्रिपरिषद् बैठकले २१ गते ३ बजे बजेट अधिवेशन आह्वानका लागि प्रदेश प्रमुखसमक्ष सिफारिस गर्ने निर्णय गरेको हो।

मन्त्रिमण्डल पुनर्गठन भएपछि पहिलोपटक बसेको मन्त्रिपरिषद् बैठकलले आन्तरिक मामिला तथा कानून मन्त्री पूर्णा जोशीलाई प्रवक्ता तोक्ने निर्णयसमेत गरेको छ।

बैठकबारे जानकारी गराउँदै प्रवक्ता जोशीले प्रदेश सरकारको आगामी जेठ २१ गते ३ बजे बजेट अधिवेशन आह्वानका लागि प्रदेश प्रमुुखसमक्ष सिफारिस गर्ने निर्णय गरेको जानकारी दिइन्। 

उनले डोटीमा जेठ १२ गते राति पेट्रोलियम पदार्थ छर्किएर जलाइएकी लक्ष्मी भाटलाई सरकारका तर्फबाट २ लाख रुपैयाँ दिने र महाकाली अस्पताललाई प्रादेशिक अस्पताल बनाउने निर्णय भएको बताइन्।